जेएनएन, मुंबई. Maharashtra Weather Update: राज्यात मागील काही दिवसांपासून तापमानात मोठ्या प्रमाणात वाढ झाली होती..चंद्रपूर, अकोला आणि ब्रह्मपुरी या ठिकाणी मागील तीन ते चार दिवसांपासून तापमान हे 45 अंशांच्या वर गेले होते. राज्यात अनेक भागात उष्णतेची लाट सुरु आहे, अशी सद्यस्थिती आहे. तर विदर्भातील काही जिल्ह्यांना अवकाळी पावसामुळे उष्णतेपासून काहीसा दिलासा मिळाला आहे.

नागपूर येथील प्रादेशिक हवामान केंद्रानुसार (RMC Nagpur), विदर्भातील अनेक शहरांमध्ये 40 अंश सेल्सिअसपेक्षा जास्त तापमान नोंदवले गेले आहे, मागील काही दिवसांपासून हे तापमान 45 अंशांजवळ गेले होते. आता ते 40 अंशावर आले आहे. राज्यात अकोल्यात सध्या सर्वाधिक 44.5 अंश सेल्सिअस तापमान नोंदवले गेले आहे, जे सामान्यपेक्षा 2.5 अंश सेल्सिअस जास्त आहे. 

या जिल्ह्यांना येलो अलर्ट

राज्यात मागील दोन दिवसांपासून विदर्भात अवकाळी पावसाची शक्यता हवामान खात्यानं वर्तवली होती. त्यानुसार अनेक ठिकाणी पाऊसही झाला. त्यामुळे विदर्भात उष्णतेचे प्रमाण कमी झाले आहे. राज्यात आजही काही ठिकाणी पावसाचा येलो अलर्ट देण्यात आला आहे. यामध्ये नागपूर, वर्धा, भंडारा, गोंदिया, चंद्रपूर, गडचिरोली व यवतमाळ या जिल्ह्यांना पावसाचा येलो अलर्ट आहे. तर अकोल्यात अद्यापही तापमानात वाढ झालेलीच आहे. इथं 44.5 तापमान असून उष्णतेच्या लाटेचा इशारा देण्यात आला आहे.

प्रमुख शहरांमधील कमाल तापमान (अंश सेल्सिअसमध्ये):

    • अकोला: 44.5 (Akola Temperature)
    • अमरावती: 42.8 (Amravati Temperature)
    • भंडारा: 38.6
    • बुलढाणा: 41.0
    • ब्रह्मपुरी: 41.7
    • चंद्रपूर: 41.8 (Chandrapur Temperature)
    • गोंदिया - 38.0
    • नागपूर: 42.3 (Nagpur Temperature)
    • वर्धा: 42.4
    • वाशिम: 42.4
    • यवतमाळ: 42.9
    • पुणे: 40.2 (Pune Temperature)
    • जळगाव: 43.1 (Jalgaon Temperature)
    • नाशिक: 39.0 (Nashik Temperature)
    • सोलापूर: 42.1 (Solapur Temperature)
    • छत्रपती संभाजी नगर : 42.4
    • परभणी: 42.4 (Parbhani Temperature)
    • मुंबई: 33.5 (Mumbai Temperature)

    हेही वाचा - Maharashtra News: फडणवीस सरकारचा मोठा; राज्यात आता पर्यटकांच्या सुरक्षेसाठी 'महाराष्ट्र पर्यटन सुरक्षा दल'