जेएनएन, मुंबई: जमीन गैरव्यवहार प्रकरणी दाखल झालेला गुन्हा रद्द करण्यासाठी शितल तेजवानी यांनी दाखल केलेल्या याचिकेवर आज मुंबई उच्च न्यायालयात सुनावणी होणार आहे. या प्रकरणाकडे राजकीय आणि प्रशासकीय पातळीवर लक्ष लागले असून सुनावणीदरम्यान न्यायालय कोणती भूमिका घेते याकडे सर्वांचे लक्ष लागले आहे.
शितल तेजवानी यांच्यावर संबंधित जमीन व्यवहारात अनियमितता, नियमभंग आणि आर्थिक गैरव्यवहार केल्याचे आरोप करण्यात आले होते. या आरोपांच्या आधारे पोलिसांनी त्यांच्याविरुद्ध गुन्हा दाखल केला आहे.मात्र, हे आरोप निराधार असून राजकीय हेतूने स्वतःवर गुन्हा दाखल केल्याचा दावा करत त्यांनी हायकोर्टात याचिका दाखल केली आहे. गुन्हा रद्द करून न्याय मिळवा,अशी याचिका तेजवानी यांनी केली आहे.
याचिकेत शीतल यांनी तपास प्रक्रियेत त्रुटी असल्याचा मुद्दा उपस्थित केला आहे. आवश्यक दस्तऐवज आणि पुरावे विचारात न घेता गुन्हा दाखल केल्याचेही नमूद केले आहे. दुसरीकडे, तपास यंत्रणांनी मात्र सर्व आरोपांचे पुरावे उपलब्ध असल्याचा दावा न्यायालयासमोर करण्याची तयारी केली आहे. त्यामुळे दोन्ही बाजूंकडून आज महत्त्वपूर्ण मांडणी अपेक्षित आहे.
या सुनावणीचे निकाल जमीन गैरव्यवहार प्रकरणातील पुढील कारवाईवर मोठा परिणाम करणारे ठरू शकतात. गुन्हा रद्द करण्यावर न्यायालयाने कोणते निरीक्षण नोंदवते, पुढील तपासाची दिशा काय ठरते, यावर पुढील घडामोडी अवलंबून राहणार आहेत. त्यामुळे आजची सुनावणी पार्थ पवारसाठी सुद्धा अत्यंत महत्त्वाची मानली जात आहे.
हेही वाचा: IIT Bombay चे नाव बदलून IIT Mumbai करण्याची राष्ट्रवादी शरद पवार गटची मागणी