जेएनएन, मुंबई: गणेशोत्सवात लाखो भाविक मुंबईतील गणपती दर्शनासाठी, देखावे पाहण्यासाठी तसेच विसर्जन मिरवणुकीत सहभागी होण्यासाठी अनेक भक्त बाहेर पडतात. या पार्श्वभूमीवर मुंबई मेट्रो रेल्वे विकास प्राधिकरणाने (MMRDA) प्रवाशांच्या सोयीसाठी महत्त्वाचा निर्णय घेतला आहे. दहिसर–अंधेरी (Metro-2A) आणि दहिसर–गुंदवली (Metro-7) मार्गावरील सेवा रात्री 11 ऐवजी 12वाजेपर्यंत सुरू राहणार आहेत. यामुळे भाविकांना याचा मोठा फायदा होणार आहे.

नवीन वेळापत्रक!

27 ऑगस्ट ते 6 सप्टेंबर 2025 दरम्यान एकूण 11 दिवस हा विस्तारित वेळापत्रक मुंबई मेट्रोन जाहीर ककेला आहे. यामध्ये आधीची मेट्रो सेवा रात्री 11 वाजेपर्यंत सुरू असायची मात्र आता तीच सेवा नव्या वेळापत्रक अनुसार रात्री 12 वाजेपर्यंत सुरू असणार आहे.

वेळ वाढविण्याचे कारण! 

गणपती दर्शनासाठी आणि देखावे पाहण्यासाठी दरवर्षी लाखो मुंबईकर रात्री उशिरापर्यंत प्रवास करतात. त्यामुळे भाविकांना परतीच्या प्रवासात त्रास होऊ नये यासाठी मेट्रोच्या वेळेत वाढ केली आहे. 

विसर्जनाच्या काळात विशेषतः रात्री उशिरापर्यंत गर्दी होत असल्याने प्रवाशांना मेट्रो एक सुरक्षित, वेगवान आणि सोयीस्कर पर्याय उपलब्ध करून देण्याचा उद्देश आहे.या सोयीमुळे प्रवाशांचा मोठा फायदा होणार आहे. उपनगरांमध्ये राहणाऱ्यांना रात्री उशिरा परतण्यासाठी मेट्रो सेवा सोयीस्कर पर्याय उपलब्ध असणार आहे.

    त्यामुळे रस्त्यांवरील वाहतूक कोंडी टाळण्यास मदत होणार आहे.

    एमएमआरडीएचे आवाहन! 

    एमएमआरडीएकडून भाविकांना नियम पाळून मेट्रोचा प्रवास करण्याचे आवाहन करण्यात आली आहे. गर्दीच्या वेळी प्रवाशांनी नियमानुसार मेट्रो कर्मचार्‍यांना सहकार्य करत प्रवास करण्याचे आवाहन केले आहे.

    हेही वाचा -Lalbaugcha Raja 2015-2025: लालबागच्या राजाचे मागील दहा वर्षातील अवतार, पाहा Photos…