जेएनएन, मुंबई Maharashtra Assembly Election 2024: राज्यात लवकरच विधानसभा निवडणूका पार पडणार आहे. या पार्श्वभूमीवर राज्यातील सर्व राजकीय पक्ष निवडणुकीच्या तयारीला लागले आहे. महाराष्ट्रातील विधानसभा निवडणुकीचा आढावा घेण्यासाठी निवडणूक आयोगाचे अधिकारी आजपासून महाराष्ट्र दौऱ्यावर आहेत. या दौऱ्यादरम्यान निवडणूक आयोगाचे अधिकारी राजकीय पक्षासोबत बैठक घेणार आहेत .
निवडणूक आयोगाच्या अधिकाऱ्यांचा हा दौरा आजपासून 28 सप्टेंबर पर्यंत असणार आहे. या दरम्यान निवडणूक अधिकारी राज्यातील कायदा आणि सुव्यवस्थाचा आढावा घेणार असून, राज्यातील पोलिस अधिकारी व सनदी अधिकाऱ्यांसोबत बैठकही घेणार आहे.
असा असणार निवडणूक आयोगाच्या अधिकाऱ्यांचा दौरा
- आज निवडणूक आयोगाचे पथक मुंबईत दाखल होणार आहे.
27 सप्टेंबरला सकाळी 10 वाजता सर्व राजकीय पक्षांसोबत बैठक घेणार.
दुपारी 1 वाजता सीईओ, नोडल अधिकारी सोबत बैठक घेणार.
दुपारी 3 वाजता निमलष्करी दलाचे अधिकारी, इन्कम टॅक्स विभाग, गुप्तचर यंत्रणा, सीबीआय, ईडी अधिकारीसोबत बैठक घेणार आहे.
सांयकाळी 5 वाजता मुख्य सचिव आणि पोलिस महासंचालक यांच्यासह प्रशासकीय आणि पोलिस यंत्रणेतील अधिका-यांशी कायदा आणि सुव्यवस्थेवर बैठक होणार आहे.
- 28 सप्टेंबरला सकाळी 9.30 वाजता राज्यातील सर्व जिल्हाधिकारी आणि पोलिस अधिक्षकांची बैठक घेणार आहे.
दुपारी 4 वाजता निवडणूक आयोगाचे अधिकारी पत्रकार परिषद घेणार आहे.
निवडणूक आधिकारी रात्री उशिरा मुंबईहून दिल्लीकडे रवाना होतील.
निवडणूक आयोगाच्या पत्रकार परिषददेनंतर राज्यातील सर्व यंत्रणा विधानसभा निवडणुकीच्या तयारीला लगायला सुरुवात करतील. निवडणूक आयोगाचे अधिकारी सर्व अहवाल दिल्लीत मुख्य निवडणूक आयुक्तांकडे सुपूर्द करतील. तसेच महाराष्ट्रात ऑक्टोबरच्या दुसऱ्या आठवड्यात आचार संहिता लागण्याची शक्यता वर्तवली जात आहे.