एजन्सी, ठाणे: महाराष्ट्र पुन्हा एक हृदय पिळवटून टाकणारी घटना समोर आली आहे. ठाण्यातील मीरा रोड येथे एका 19 वर्षीय विवाहितेनं गळफास घेऊन आत्महत्या (Thane women suicide) केली आहे.
याप्रकरणी ठाणे जिल्ह्यातील पोलिसांनी बुलढाणा जिल्ह्यातील एका पोलिस कर्मचाऱ्याला त्याच्या 19 वर्षीय पत्नीला आत्महत्येस प्रवृत्त केल्याच्या आरोपाखाली अटक केली आहे. तसंच, त्याच्या पालकांसह आणि कुटुंबातील आणखी एका सदस्यासह अटक केली आहे, असे अधिकाऱ्यांनी शनिवारी सांगितले.
गळफास घेऊन संपवले जीवन
स्वाती चाटे नावाच्या महिलेने 27 नोव्हेंबर रोजी मीरा रोड येथील त्यांच्या राहत्या घरी गळफास घेऊन आपले जीवन संपवले, असे पोलिसांनी सांगितले.
सतत मानसिक आणि शारीरिक छळ
तिच्या आईने दिलेल्या तक्रारीनुसार, पीडितेचा पती आणि त्याच्या कुटुंबातील सदस्यांकडून सतत मानसिक आणि शारीरिक छळ केला जात होता. तिचा पती प्रभु चाटे यालाही महिलेच्या चारित्र्यावर संशय होता आणि तिच्या न जन्मलेल्या बाळाच्या पितृत्वावर शंका होती.
दारू पिऊन अत्याचार
तक्रारीनुसार, स्वातीने या वर्षी एप्रिलमध्ये प्रभूशी लग्न केले. त्यानंतर काही दिवसांतच तिचा नवरा आणि सासरच्या लोकांनी तिला त्रास देण्यास सुरुवात केली. तो दारू पिऊन घरी यायचा आणि तिच्यावर अत्याचार करायचा.
बाळाचा जैविक पिता कोण
2 नोव्हेंबर रोजी हे जोडपे मीरा रोडला गेले, जिथे तो तिला मारहाण करत राहिला आणि बाळाचा जैविक पिता कोण आहे याची पुष्टी करण्यासाठी वैद्यकीय चाचणी करण्यास सांगत राहिला.
27 नोव्हेंबर रोजी स्वातीने तिच्या आईला फोनवर सांगितले की तिला छळ सहन होत नाहीये आणि नंतर तिने गळफास लावून आत्महत्या केली.
पतीसह चार जणांना अटक
मीरा रोड पोलिस स्टेशनमधील एका वरिष्ठ अधिकाऱ्याने सांगितले की, "आम्ही पतीसह चार जणांना अटक केली आहे आणि घटनेचा सखोल तपास करत आहोत."
गुन्हा दाखल
इतर तीन आरोपींची ओळख पटली आहे ती म्हणजे पतीचे वडील भगवान चाटे (63), आई रंजना (55) आणि बहीण पुष्पा सानप (30). त्यांच्यावर भारतीय न्याय संहिता (BNS) च्या कलमांखाली गुन्हा दाखल करण्यात आला होता, ज्यामध्ये कलम 108 (आत्महत्येस प्रवृत्त करणे) आणि कलम 85 (पती किंवा महिलेच्या नातेवाईकाकडून क्रूरता), कलम 3(5) (सामान्य हेतू) यांचा समावेश आहे.