जेएनएन, मुंबई.Tumbadchi Manjula Box Office Collection: सामाजिक भयपट आणि विनोदाचा अनोखा संगम असलेला मराठी चित्रपट 'तुंबाडची मंजुळा' प्रदर्शित झाल्यापासून प्रेक्षकांचा चांगला प्रतिसाद मिळवत आहे. 5 जून 2026 रोजी प्रदर्शित झालेल्या या चित्रपटाने बॉक्स ऑफिसवर पहिल्याच आठवड्यात दमदार कामगिरी करत पाच दिवसांत 4.67 कोटी रुपयांची निव्वळ कमाई केली आहे.
रहस्य, भीती, अफवा आणि ग्रामीण जीवनातील रंगतदार घटनांवर आधारित असलेल्या या चित्रपटाने जगभरात 4.45 कोटी रुपयांचे ग्रॉस कलेक्शन नोंदवले आहे. विशेष म्हणजे ही संपूर्ण कमाई भारतातून झाली असून परदेशातील कमाई अद्याप शून्यावर आहे. पहिल्या पाच दिवसांत चित्रपटाचे एकूण 2,519 शो प्रदर्शित करण्यात आले.
कमाईच्या आकडेवारीनुसार, पहिल्या दिवशी चित्रपटाने 54 लाख रुपयांची कमाई केली. त्यानंतर दुसऱ्या दिवशी 98 लाख आणि रविवारी तब्बल 1.73 कोटी रुपयांचा गल्ला जमवत चित्रपटाने मोठी झेप घेतली. रविवारी प्रेक्षकांची उपस्थिती 58 टक्क्यांपर्यंत पोहोचल्याचेही दिसून आले. त्यानंतर सोमवार आणि मंगळवारी अनुक्रमे 70 लाख आणि 72 लाख रुपयांची कमाई झाली.
बॉक्स ऑफिस विश्लेषकांच्या मते, विकेंडमध्ये मिळालेला उत्स्फूर्त प्रतिसाद आणि वाढती प्रेक्षकसंख्या लक्षात घेता आगामी दिवसांतही चित्रपटाची कमाई वाढण्याची शक्यता आहे. ग्रामीण पार्श्वभूमीवर उभे राहिलेले गूढ वातावरण, भयपटातील थरार आणि विनोदाची फोडणी यामुळे हा चित्रपट प्रेक्षकांना आकर्षित करत आहे.
'तुंबाडची मंजुळा' बॉक्स ऑफिस कलेक्शन (पहिले 5 दिवस)
| दिवस | कमाई (कोटी रुपये) |
| पहिला दिवस | ₹०.५४ कोटी |
| दुसरा दिवस | ₹०.९८ कोटी |
| तिसरा दिवस | ₹१.७३ कोटी |
| चौथा दिवस | ₹०.७० कोटी |
| पाचवा दिवस | ₹०.७२ कोटी |
| भारतातील एकूण निव्वळ कमाई | ₹४.६७ कोटी |
