जेएनएन, मुंबई. मराठी चित्रपटसृष्टीतील प्रसिद्ध अभिनेत्री सायली संजीव (actress Sayali Sanjeev) हिचा नवाकोरा ‘कैरी’ (Kairi) हा सिनेमा येत्या 12 डिसेंबर रोजी प्रदर्शित होत आहे. या चित्रपटाच ट्रेलर रिलीज करण्यात आलं आहे. सायली संजीवने याची माहिती दिली आहे.

सायली संजीवने आपल्या इंस्टा अकाउंडवर या चित्रपटाचा ट्रेलर रिलीज केला आहे. ती लिहिते…

‘प्रेम लढायला शिकवतं..

लढून जिंकायला शिकवतं.. तुमची परीक्षा घेतं कधी-कधी, पण प्रेम जगायला शिकवतं !

‘कैरी’ 

Trailer Out Now 

    यंदा डिसेंबर मध्येच ‘कैरी’ येणार..

    12 डिसेंबर पासून चित्रपटगृहात..!’

    अधिक मनोरंजक आणि आकर्षक ट्रेलर

    ट्रेलरमध्ये अभिनेता शशांक केतकरसह सायली संजीवची रोमँटिक केमिस्ट्री पाहायला मिळत आहे. तसेच कोकणातील वातावरण, अनेक निसर्गरम्य दृश्य आणि थेट विदेशात गेल्यानंतर कशाप्रकारे एकटेपणा येतो. तिथे आपले माणसं भेटल्याचं सुख आणि नंतर चित्रपटात येणार ट्वीस्ट यामुळे चित्रपट अधिक मनोरंजक आणि आकर्षक बनताना दिसत आहे. 

    या चित्रपटात अभिनेते सुबोध भावे, सिद्धार्थ जाधव, अरुण नलावडे, सुलभा आर्या हे दिग्गज कलाकारही मुख्य भूमिकेत असल्याचे दिसत आहेत. 

    शशांक आणि सायली यांची रोमँटिक केमिस्ट्री विशेष अशी आहे. एकमेकांच्या प्रेमात बेधुंद झालेलं हे जोडपं आणि सायलीला समोर येत जातात ती प्रत्येक आव्हान, हे चित्रपटाच्या ट्रेलरमध्ये दाखवण्याचा प्रयत्न करण्यात आला आहे.

    या चित्रपटाची निर्मिती ‘91 फिल्म स्टुडिओज’ अंतर्गत झाली आहे. या स्टुडिओने बऱ्याच भाषांमध्ये चित्रपटांची निर्मिती केली आहे. हा सिनेमा इन असोसिएशन विथ ‘अमेय विनोद खोपकर एंटरटेंमेंट’चा आहे. तर चित्रपटाची निर्मिती नवीन चंद्रा, नंदिता राव कर्नाड, स्वाती खोपकर, निनाद नंदकुमार बत्तीन यांनी केली आहे.