जेएनएन, मुंबई: बिग बॉस 19 (bigg boss 19) चा सिझन यंदा चांगलाच गाजला असून या शोमध्ये मराठी स्टँडअप कॉमेडियन प्रणित मोरे यांनी टॉप 5 पर्यंत मजल मारत सर्वांचे लक्ष वेधून घेतले. ग्रँड फिनालेमध्ये प्रणित तिसऱ्या क्रमांकाचा रनरअप ठरला. संपूर्ण स्पर्धेदरम्यान त्याला प्रेक्षकांकडून मोठ्या प्रमाणात पाठिंबा मिळाल्याचे पाहायला मिळाले.
प्रणितने बिग बॉसच्या घरात आपल्या खिलाडूवृत्तीने आणि विनोदाच्या शैलीने प्रेक्षकांची मने जिंकली. त्याची स्पष्ट मते, सकारात्मक खेळ आणि इतर स्पर्धकांसोबतचे संबंध यामुळे तो कायम चर्चेत राहिला.
ग्रँड फिनालेदरम्यान शोचा होस्ट सलमान खान (salman khan) यांनी प्रणितचे विशेष कौतुक केले. सलमान म्हणाला, “तुझ्या आई-वडिलांना तुझ्यावर खूप गर्व आहे, ते त्यांच्या चेहऱ्यावर स्पष्टपणे दिसतं.” याचवेळी सलमानने प्रणितला एक खास सल्लाही दिला. सलमान खान यांनी प्रणितला पुढील आयुष्यासाठी महत्त्वाचा सल्ला देत सांगितले, “यापुढे कधीही शो फ्री मध्ये करू नकोस. सलमानच्या या शब्दांनंतर सोशल मीडियावर प्रणित मोरेसाठी चाहत्यांकडून शुभेच्छांचा पाऊस पडत आहे. बिग बॉस 19मधील त्याचा प्रवास प्रेक्षकांच्या मनात कायम लक्षात राहणारा ठरला आहे.
प्रणित मोरेचा प्रवास
प्रणित मोरे यांचा जन्म आणि वाढ महाराष्ट्रात एका मध्यमवर्गीय कुटुंबात झाला. लहानपणापासूनच त्याला विनोदाची विशेष आवड होती. शाळा-कॉलेजमध्ये तो सतत मित्रांना हसवत असे. मात्र स्टँडअप कॉमेडी हेच करिअर करायचं असा निर्णय घेतल्यानंतर त्याला अनेक अडचणींना सामोरं जावं लागलं. सुरुवातीच्या काळात स्थानिक कार्यक्रम, छोटे स्टेज शोमधून त्याने आपली ओळख निर्माण केली. अनेकदा मानधन न घेता त्याने शो केले, तर कधी प्रवासाचे खर्च स्वतः उचलले. मेहनत, चिकाटी आणि स्वतःवरचा विश्वास यामुळे तो हळूहळू प्रेक्षकांमध्ये लोकप्रिय होत गेला.
बिग बॉसच्या घरातील खेळ
बिग बॉस 19 मध्ये प्रवेश केल्यानंतर प्रणित सुरुवातीपासूनच वेगळ्या शैलीत खेळताना दिसला. भांडणांपासून दूर राहून, स्वतःचा मुद्दा स्पष्टपणे मांडणं आणि प्रत्येक टास्कमध्ये शंभर टक्के प्रयत्न करणं ही त्याची खासियत ठरली. घरातील अनेक कठीण क्षणांमध्ये त्याने संयम दाखवला. काहीवेळा तो भावनिकही झाला, जे प्रेक्षकांना अधिक भावलं. त्याने केलेल्या मजेशीर कॉमेंट्स आणि विनोदी अंदाजामुळे घरातील वातावरण हलकं-फुलकंही ठेवलं.
हेही वाचा: Bigg Boss 19 Winner: गौरव खन्नाच्या विजयावर तान्या मित्तलने केली टीका, म्हणाली, 'जीकेने काही...'