जेएनएन, मुंबई: मराठी चित्रपटसृष्टीतील लोकप्रिय रोमँटिक फ्रँचायझी ‘मुंबई पुणे मुंबई’चा चौथा भाग येत असल्याची अधिकृत घोषणा करण्यात आली आहे. दिग्दर्शक सतीश राजवाडे यांच्या दिग्दर्शनाखाली तयार होणाऱ्या या चित्रपटात प्रेक्षकांचे लाडके कलाकार स्वप्नील जोशी आणि मुक्ता बर्वे पुन्हा एकदा ‘गौतम’ आणि ‘गौरी’च्या भूमिकेत झळकणार आहेत.
निर्मितीचे दायित्व संजय छाब्रिया आणि अमित भानुशाली यांनी सांभाळले आहे. चौथ्या भागाची घोषणा सोशल मीडियावर एका खास व्हिडीओद्वारे करण्यात आली. या घोषणेनंतर ‘मुंबई पुणे मुंबई’ मालिकेचे चाहते उत्साहात असून सोशल मीडियावर #MumbaiPuneMumbai4 हा हॅशटॅग ट्रेंड होत आहे.
2010 मध्ये प्रदर्शित झालेला पहिला भाग, त्यानंतर 2025 मधील दुसरा आणि 2018 मधील तिसरा भाग या मालिकेने प्रेक्षकांची मनं जिंकली होती. प्रत्येक भागात गौरी–गौतमच्या नात्याचा नवा टप्पा दाखवण्यात आला. आता चौथ्या भागात या जोडप्याच्या आयुष्यातील पुढील अध्याय प्रेक्षकांसमोर येणार आहे.चित्रपटाची प्रदर्शन तारीख अद्याप जाहीर करण्यात आलेली नाही, मात्र निर्मात्यांनी लवकरच ती घोषित केली जाईल, असे संकेत दिले आहेत.
हेही वाचा: "मी वासनेने भरलेली होती," 180 चित्रपटांमध्ये काम करणाऱ्या या अभिनेत्रीने रहस्य केले उघड, 80 च्या दशकात बनली सुपरस्टार