जेएनएन, मुंबई. 11th Admission Maharashtra 2025 Latest News: राज्यात पहिल्यांदाच इयत्ता अकरावीची प्रवेश प्रक्रिया ऑनलाइन पद्धतीने राबवण्यात येत आहे. त्यासाठी राज्यभरातील 9294 कनिष्ठ महाविद्यालयांनी नोंदणी केली आहे. विद्यार्थ्यांना अकरावी प्रवेशासाठी आज म्हणजेच 21 मे पासून ऑनलाइन नोंदणी सुरु झाली आहे.
पहिल्या फेरीतील अंतिम गुणवत्ता यादी तीन जूनला जाहीर होणार आहे. तर या फेरीतील विद्यार्थ्यांना 6 ते 12 जून या कालावधीत प्रवेश घेता येणार आहे.
पुणे, मुंबई, नाशिक, नागपूर, अमरावती या पाच विभागांत गेल्यावर्षी अकरावीची केंद्रीय ऑनलाइन पद्धतीने राबवण्यात आली होती. यंदा मात्र, शिक्षण विभागाने संपूर्ण राज्यात अकरावीची प्रवेश प्रक्रिया ऑनलाइन पद्धतीने राबवली आहे.
या संकेत स्थळावर करता येणार नोंदणी
अकरावीच्या ऑनलाइन प्रवेश प्रक्रियेसाठी https://mahafyjcadmissions.in/ या स्वतंत्र संकेतस्थळाची निर्मिती करण्यात आली आहे.
अर्ज भरण्याचा सराव करण्यासाठी दिले होते दोन दिवस
विद्यार्थ्यांना दोन दिवस अर्ज भरण्याचा सराव करता आला आहे. 10 आणि 20 मे रोजी विद्यार्थ्यांनी ऑनलाइन अर्ज भरण्याचा सराव केला आहे. प्राधान्यक्रम नोंदवण्याचाही सराव विद्यार्थ्यांना करता आला आहे. त्यानंतर आज म्हणजेच 21 मेपासून नव्याने अर्ज भरण्यासाठी सुरुवात झाली आहे.