नवी दिल्ली. Pradhan Mantri Ujjwala Yojana: सणासुदीच्या काळात जीएसटीमध्ये मोठी सवलत दिल्यानंतर, मोदी सरकारने आता गरीब कुटुंबांसाठी आणखी एक महत्त्वाची घोषणा केली आहे. केंद्र सरकार प्रधानमंत्री उज्ज्वला योजनेअंतर्गत नवरात्रीत 25 लाख नवीन मोफत एलपीजी कनेक्शन वितरित करणार आहे. यामुळे देशातील उज्ज्वला लाभार्थ्यांची एकूण संख्या 10.6 कोटी होईल, असे केंद्रीय पेट्रोलियम मंत्री हरदीप सिंग पुरी यांनी सांगितले.
उज्ज्वला योजनेअंतर्गत प्रत्येक कनेक्शनवर सरकार 2,050 रुपये खर्च करेल, ज्यामध्ये मोफत एलपीजी सिलेंडर, गॅस स्टोव्ह, रेग्युलेटर आणि इतर संबंधित उपकरणे समाविष्ट असतील, असे त्यांनी सांगितले. जर तुम्हालाही या योजनेअंतर्गत मोफत गॅस कनेक्शन मिळवायचे असेल, तर पात्रता निकष आणि संपूर्ण अर्ज प्रक्रिया समजावून समजून घ्या..
प्रधानमंत्री उज्ज्वला योजनेशी संबंधित अटी
उज्ज्वला 2.0 अंतर्गत गरीब कुटुंब, अनुसूचित जाती आणि जमाती समुदायातील प्रौढ महिला ज्यांच्या घरात एलपीजी कनेक्शन नाही त्यांना मोफत एलपीजी कनेक्शन मिळण्यास पात्र असेल.
नोंदणीसाठी महिलेकडे आधार कार्ड, रेशन कार्ड, पत्त्याचा पुरावा, पासपोर्ट आकाराचा फोटो आणि बँक खाते असणे आवश्यक आहे.
अर्ज कसा करावा
उज्ज्वला 2.0 योजनेसाठी अधिकृत वेबसाइट (https://pmuy.gov.in/e-kyc.html) द्वारे ऑनलाइन अर्ज भरा.
- तेल कंपनीचे नाव निवडा, उदाहरणार्थ इंडेन/भारतगॅस/एचपी गॅस.
- कनेक्शनचा प्रकार निवडा, जसे उज्ज्वला 2.0 नवीन कनेक्शन.
- राज्य, जिल्हा आणि वितरकाचे नाव निवडा.
- मोबाईल नंबर, कॅप्चा कोड आणि ओटीपी एंटर करा.
- श्रेणी निवडल्यानंतर, कुटुंबाची माहिती, वैयक्तिक माहिती, पत्ता आणि बँक तपशील भरा, सिलिंडरचा प्रकार निवडा, ग्रामीण किंवा शहरी याची निवड करा. घोषणा फॉर्म निवडा आणि अर्ज सबमिट करा.
- अर्ज केल्यानंतर, रेफरन्स क्रंमांक जेनरेट झाल्यावर, तो घेऊन गॅस एजन्सीकडे जा.
मोदी सरकारच्या 300 रुपयांच्या अनुदानामुळे, 10.33 कोटींहून अधिक उज्ज्वला कुटुंबांच्या सिलिंडरचा रिफिलिंग खर्च सध्या फक्त 553 रुपये आहे. ही किंमत जगभरातील एलपीजी उत्पादक देशांपेक्षा कमी आहे.