स्पोर्ट्स डेस्क, नवी दिल्ली: Ind vs Nz Head to Head Stats Champions Trophy: आयसीसी चॅम्पियन्स ट्रॉफी 2025 चा अंतिम सामना भारत (India) आणि न्यूझीलंड (New Zealand) यांच्यात 9 मार्चला होणार आहे. दुबई आंतरराष्ट्रीय क्रिकेट स्टेडियमवर चॅम्पियन्स ट्रॉफी 2025 (Champions Trophy 2025 Final) चा अंतिम सामना खेळला जाईल.
या चालू स्पर्धेत टीम इंडियाने आतापर्यंत 3 सामने खेळले आणि तिन्हीमध्ये विजय मिळवला, तर न्यूझीलंड संघाने 3 सामन्यांपैकी 2 मध्ये विजय आणि एका सामन्यात पराभव स्वीकारला.
आता दोन्ही संघांमध्ये जबरदस्त लढत पाहायला मिळणार आहे. या सामन्याची चाहतेही आतुरतेने वाट पाहत आहेत, पण त्याआधी भारत-न्यूझीलंड यांच्यातील हेड-टू-हेड रेकॉर्डबद्दल जाणून घेऊया.
India Vs New Zealand यांच्यातील Champions Trophy Final 2025
भारतीय संघाने आयसीसी चॅम्पियन्स ट्रॉफीच्या पहिल्या उपांत्य फेरीच्या सामन्यात ऑस्ट्रेलियाचा पराभव करून इतिहास रचला. मॅन इन ब्लू सलग तिसऱ्यांदा चॅम्पियन्स ट्रॉफीच्या अंतिम फेरीत पोहोचणारा पहिला संघ बनला आहे, तर न्यूझीलंड संघाने उपांत्य फेरीच्या सामन्यात दक्षिण आफ्रिकेविरुद्ध चॅम्पियन्स ट्रॉफीच्या इतिहासातील सर्वोच्च धावसंख्या नोंदवली.
रचिन रवींद्र आणि केन विल्यमसन यांच्या शतकांच्या जोरावर किवी संघाने 362 धावा केल्या, तर दक्षिण आफ्रिका संघ या लक्ष्याचा पाठलाग करताना 50 धावांनी चुकला.
India vs New Zealand Head-to-Head Records: भारत-न्यूझीलंड यांच्यातील हेड-टू-हेड रेकॉर्ड
9 मार्चला भारत आणि न्यूझीलंड (India Vs New Zealand Head-to-Head Records) यांच्यात आयसीसी चॅम्पियन्स ट्रॉफी 2025 चा अंतिम सामना खेळला जाणार आहे. दोन्ही संघांमधील हेड-टू-हेड रेकॉर्डबद्दल बोलायचे झाले, तर दोन्ही संघ आयसीसी नॉकआउट सामन्यांमध्ये चार वेळा एकमेकांशी भिडले आहेत, ज्यात 'ब्लॅककॅप्स'ने 3 वेळा विजय मिळवला आहे, तर भारताला एकदाच विजय मिळाला आहे.
भारत आणि न्यूझीलंड संघांनी आयसीसी चॅम्पियन्स ट्रॉफी 2000 च्या अंतिम सामन्यात एकमेकांचा सामना केला होता, ज्यामध्ये भारताला पराभव पत्करावा लागला होता. याशिवाय, दोन्ही संघ 2019 आणि 2023 च्या विश्वचषक उपांत्य फेरीत एकमेकांशी भिडले होते. 2021 च्या विश्व कसोटी चॅम्पियनशिपमध्येही भारत-न्यूझीलंड संघांमध्ये सामना झाला होता.
India vs New Zealand H2H ODI Cricket
एकूण सामने-119 भारताने जिंकले- 61 सामने न्यूझीलंडने जिंकले-50 सामने निकाल नाही-7 सामने टाय- 1 सामना भारताने घरच्या मैदानावर जिंकले- 31 सामने न्यूझीलंडने घरच्या मैदानावर जिंकले- 26 सामने
India- New Zealand मध्ये ICC Champions Trophy मध्ये किती वेळा सामना झाला आहे?
भारत आणि न्यूझीलंड संघाने आयसीसी चॅम्पियन्स ट्रॉफीमध्ये दोनदा एकमेकांचा सामना केला आहे, ज्यात दोन्ही संघांनी 1-1 सामन्यात विजय मिळवला आहे. 2025 चॅम्पियन्स ट्रॉफीच्या लीग स्टेजमध्ये टीम इंडियाने किवी संघाचा 44 धावांनी पराभव केला होता. यापूर्वी दोन्ही संघ 2000 चॅम्पियन्स ट्रॉफीच्या अंतिम सामन्यात एकमेकांशी भिडले होते, ज्यात न्यूझीलंडने 4 गडी राखून विजय मिळवला होता.
India vs New Zealand Head-to-Head records in ICC Knockouts
सामने खेळले गेले- 4
भारताने जिंकले-1
न्यूझीलंडने जिंकले- 3
निकाल नाही-0
IND Vs NZ Final Date & Time: चॅम्पियन्स ट्रॉफीचा अंतिम सामना कधी आणि किती वाजता खेळला जाईल?
तारीख- रविवार, 9 मार्च, 2025 वेळ- 2:30 PM (नाणेफेक-2 वाजता)
स्थळ- दुबई आंतरराष्ट्रीय क्रिकेट स्टेडियम, दुबई
IND Vs NZ Final live Streaming: चॅम्पियन्स ट्रॉफी 2025 चा अंतिम सामना कुठे पाहता येईल?
लाइव्ह स्ट्रीमिंग- जिओहॉटस्टार ॲपवर पाहता येईल.
टीव्ही टेलिकास्ट- स्टार स्पोर्ट्स आणि नेटवर्क 18 चॅनेल
आयसीसी चॅम्पियन्स ट्रॉफी 2025 अंतिम: भारत आणि न्यूझीलंड संघ
भारतीय संघ: रोहित शर्मा (कर्णधार), शुभमन गिल, विराट कोहली, श्रेयस अय्यर, अक्षर पटेल, केएल राहुल (यष्टीरक्षक), हार्दिक पंड्या, रवींद्र जडेजा, हर्षित राणा, मोहम्मद शमी, कुलदीप यादव, ऋषभ पंत, वॉशिंग्टन सुंदर, वरुण चक्रवर्ती, अर्शदीप सिंह.
न्यूझीलंड संघ: विल यंग, डेव्हन कॉनवे, केन विल्यमसन, रचिन रवींद्र, टॉम लॅथम (यष्टिरक्षक), ग्लेन फिलिप्स, मायकेल ब्रेसवेल, मिचेल सँटनर (कर्णधार), मॅट हेन्री, काइल जेमिसन, विल्यम ओ'रूर्के.