जेएनएन, मुंबई: वर्षाच्या शेवटच्या महिन्यात म्हणजेच डिसेंबर 2025 मध्ये हिंदू धर्मातील महत्वाच्या तीन एकादशी साजरी केली जाणार आहे. महिन्याची सुरुवात म्हणजेच 1 डिसेंबरला मोक्षदा एकादशी आणि महिन्याच्या मध्यभागी 15  डिसेंबरला सफला एकादशी साजरी केली जाईल. तर 30 डिसेंबरला पौष पुत्रदा एकादशी साजरी केली जाईल. या एकादशींना धार्मिक व अध्यात्मिक दृष्ट्या खूप महत्त्व आहे.

मोक्षदा एकादशी (1 डिसेंबर 2025)
मोक्षदा एकादशी ही भक्तांना पापमुक्त होण्याची आणि मोक्षप्राप्तीची संधी देते. पुराणानुसार, या दिवशी उपवास आणि भक्तिभावपूर्वक पूजा केल्यास जीवनातील सर्व अडचणी दूर होतात आणि आत्म्याला मोक्ष प्राप्त होतो. शास्त्रानुसार, भगवान विष्णूची आराधना करून व्रत करणाऱ्यांना जीवनातील संकटातून सुटका होते आणि आध्यात्मिक उन्नती मिळते.

सफला एकादशी (15 डिसेंबर 2025)
सफला एकादशी ही संपत्ती, यश आणि कुटुंबातील सौख्य प्राप्तीसाठी महत्त्वाची मानली जाते. या दिवशी उपास करून, भगवंत विष्णूची पूजा केल्यास कुटुंबात ऐक्य राहते आणि सर्व व्यवहारात यश मिळते. प्राचीन ग्रंथांनुसार, सफला एकादशी व्रत करणाऱ्यांचे दैवी संरक्षण होते आणि जीवनात सुख-समृद्धी वाढते.

पौष पुत्रदा एकादशी (30 डिसेंबर २०२५)
भगवान विष्णूंच्या कृपेने हे व्रत केल्याने मुलांशी संबंधित समस्या दूर होतात आणि कुटुंबात आनंद, समृद्धी, शांती आणि कल्याण येते. "संतती देणारी" म्हणूनही ओळखली जाणारी एकादशी पौष आणि श्रावण महिन्यात येते.

एकादशी व्रताचे महत्त्व
हिंदू धर्मग्रंथांमध्ये एकादशी व्रताचे विशेष महत्त्व सांगितले आहे. शरीर व मनाची शुद्धता, मानसिक स्थिरता, भक्तिभाव आणि आध्यात्मिक उन्नती या सर्व गोष्टींसाठी एकादशी उपास अत्यंत उपयोगी ठरतो. काही ठिकाणी या दिवसांवर विशेष पूजा व हवन आयोजित केले जाते, ज्यामुळे भक्तांना भक्तीची प्रबल अनुभूती मिळते.

या डिसेंबरमध्ये मोक्षदा व सफला एकादशी साजरी करण्याची परंपरा भक्तांना आध्यात्मिक अनुभव देण्याबरोबरच त्यांच्या जीवनात सकारात्मक बदल घडवून आणते.

हेही वाचा: December Vrat Tyohar 2025: डिसेंबरमध्ये साजरे केले जातील गीता जयंती आणि गुरु गोविंद सिंह जयंतीसारखे प्रमुख सण


Disclaimer: या लेखात नमूद केलेले उपाय, फायदे, सल्ला आणि विधाने केवळ सामान्य माहितीसाठी आहेत. दैनिक जागरण आणि जागरण न्यू मीडिया या फीचर लेखातील मजकुराचे समर्थन करत नाहीत. या लेखात असलेली माहिती विविध स्त्रोतांकडून, ज्योतिषी, पंचांग, ​​उपदेश, श्रद्धा, धार्मिक ग्रंथ आणि दंतकथा यातून गोळा केली गेली आहे. वाचकांना विनंती आहे की त्यांनी लेखाला अंतिम सत्य किंवा दावा मानू नये आणि त्यांच्या विवेकबुद्धीचा वापर करावा. दैनिक जागरण आणि जागरण न्यू मीडिया अंधश्रद्धेच्या विरोधात आहे.