जेएनएन, नागपूर. Aanat Chaturthi Wishes:  देशभरात गेल्या काही दिवसांपासून मोठ्या उत्साहात आणि भक्तिमय वातावरणात गणेशोत्सव साजरा करण्यात आला. घराघरांत तसेच सार्वजनिक मंडळांमध्ये गणरायाची स्थापना करून विधिवत पूजा-अर्चा करण्यात आली. ढोल-ताशांचा गजर, आरती, भजन आणि विविध धार्मिक कार्यक्रमांनी गणेशोत्सवाचा उत्साह शिगेला पोहोचला. आता गणरायाला निरोप देण्याची वेळ आली आहे.

25 सप्टेंबर रोजी गणेश विसर्जन
गणेशोत्सवाच्या सांगतेनिमित्त 25 सप्टेंबर 2026 रोजी गणपती विसर्जन केले जाणार आहे. बाप्पाच्या आगमनावेळी जसा उत्साह आणि जल्लोष पाहायला मिळतो, तसाच उत्साह निरोपाच्या वेळीही दिसून येतो. ‘गणपती बाप्पा मोरया, पुढच्या वर्षी लवकर या!’च्या जयघोषात भक्तगण आपल्या लाडक्या गणरायाला भावपूर्ण निरोप देतात.

गणपती विसर्जन हा भक्तांसाठी भावनिक क्षण असतो. अनेक दिवस घरात विराजमान असलेल्या बाप्पाला निरोप देताना भक्तांच्या मनात एकीकडे भावुकता असते, तर दुसरीकडे पुढील वर्षी बाप्पाच्या आगमनाची आतुरता असते. या खास प्रसंगी कुटुंबीय, मित्र आणि नातेवाईकांना गणेश विसर्जनाच्या शुभेच्छा संदेश पाठवून आनंद द्विगुणित करता येतो.

गणेश विसर्जनाच्या खास शुभेच्छा

  • बाप्पाला निरोप देताना डोळ्यांत अश्रू आणि मनात पुन्हा येण्याची आस… गणपती बाप्पा मोरया, पुढच्या वर्षी लवकर या! 
  • बाप्पाचे आगमन आनंद घेऊन आले, आता त्याचा आशीर्वाद सोबत घेऊन निरोप देऊया. गणेश विसर्जनाच्या हार्दिक शुभेच्छा! 
  • गणरायाच्या कृपेने प्रत्येकाच्या आयुष्यात सुख, शांती, आरोग्य आणि समृद्धी नांदो. गणपती बाप्पा मोरया! 
  • आज बाप्पाला निरोप देताना एकच प्रार्थना—सर्वांच्या मनोकामना पूर्ण कर आणि पुढच्या वर्षी पुन्हा लवकर ये! गणपती बाप्पा मोरया! 
  • बाप्पा, तुझ्या आगमनाने घर आनंदाने भरून गेले आणि तुझ्या विसर्जनाने मन भरून आले… पुढच्या वर्षी पुन्हा नक्की या! 
  • विघ्नहर्त्याच्या आशीर्वादाने जीवनातील सर्व संकटे दूर होवोत आणि सुख-समाधान सदैव नांदो. गणेश विसर्जनाच्या मनःपूर्वक शुभेच्छा!
  • गणरायाला भावपूर्ण निरोप… तुझी भक्ती, तुझे आशीर्वाद आणि तुझ्या आठवणी मनात सदैव राहतील. गणपती बाप्पा मोरया! 
  • बाप्पा, जाताना आमच्या घरातून दुःख, चिंता आणि संकटे घेऊन जा आणि सुख-समृद्धी मागे ठेवून जा. पुढच्या वर्षी लवकर या! 
  • भक्तीचा उत्सव संपत असला तरी बाप्पावरील श्रद्धा सदैव मनात राहो. गणेश विसर्जनाच्या हार्दिक शुभेच्छा! 
  • मोदकाचा गोडवा, आरतीचा नाद आणि बाप्पाच्या नामाचा जयघोष… अशाच भक्तिमय वातावरणात गणरायाला निरोप देऊया. गणपती बाप्पा मोरया! 
  • गणरायाच्या चरणी प्रार्थना—प्रत्येकाच्या घरात आनंद, आरोग्य आणि भरभराट नांदो. गणेश विसर्जनाच्या शुभेच्छा! 
  • बाप्पा काही दिवसांसाठी निरोप घेतोय, पण त्याची कृपा आणि आशीर्वाद सदैव आपल्या सोबत राहोत. गणपती बाप्पा मोरया! 
  • निरोप बाप्पाला नाही, फक्त त्याच्या मूर्तीला… कारण गणरायाची भक्ती आणि आशीर्वाद सदैव आपल्या हृदयात राहतील. 
  • गणपती बाप्पाच्या आशीर्वादाने तुमच्या आयुष्यातील प्रत्येक विघ्न दूर होवो आणि प्रत्येक दिवस आनंदाने उजळून निघो. गणेश विसर्जनाच्या शुभेच्छा!
  • ढोल-ताशांच्या गजरात, भक्तीच्या जयघोषात आज बाप्पाला निरोप… गणपती बाप्पा मोरया, पुढच्या वर्षी लवकर या!