जेएनएन, मुंबई: संसद भवनात ‘वंदे मातरम्’ आणि ‘जय हिंद’ म्हणण्यावर बंधने घालणारा कथित प्रसंगाला राजकीय वाद फुटला आहे.या प्रकरणावर शिवसेना (उद्धव बाळासाहेब ठाकरे गट) पक्षप्रमुख उद्धव ठाकरे यांनी थेट भाजपवर निशाणा साधत तीव्र प्रतिक्रिया दिली आहे. संसदभवनात ‘वंदे मातरम्’ म्हणू नका असे सांगणारे पत्र काढले गेले, तर मग भाजपचे संस्कार कुठे गेले? ‘वंदे मातरम्’ म्हणणारेच राष्ट्रभक्त, असा शिकवणारा पक्ष आज याच घोषणेवर बंदी का घालत आहे?” असा सवाल उद्धव ठाकरे यांनी उपस्थित केला.
उद्धव ठाकरे यांनी थेट चॅलेंज दिला आहे की,संसद भवनात आमचे खासदार वंदे मातरम् म्हणणार कारवाई करून दाखवा.राज्यसभेच्या सचिवालयाकडून जारी करण्यात आलेल्या पत्रामुळे राजकीय वातावरण चांगलेच तापले आहे. ठाकरे म्हणाले की, “भाजप नेहमी हिंदुत्वाचा मुखवटा लावून फिरते. पण या पत्रामुळे भाजपचे खरे हिंदुत्व उघडे पडले आहे. ज्यांनी ‘वंदे मातरम्’ला विरोध करणार्‍या ब्रिटिश गर्भनर मॅकलेची औलाद भाजपमध्ये आणली, त्यांनी देशभक्तीची शिकवण देण्याचा अधिकार सोडून द्यावा.”
उद्धव ठाकरे यांनी शिवसेनेचे खासदारांना थेट आव्हान देत म्हटले – “राज्यसभेत ‘वंदे मातरम्’ जोरात म्हणा. जर कोणी अडवले तर त्यांना निलंबित करा; आम्हाला दाखवा! आम्ही पाहू कोण रोखतंय!” त्यांनी पुढे सांगितले की, शिवसेना खासदारांनी उद्या सभागृहात प्रवेश करताना ‘वंदे मातरम्’ उच्चारूनच सुरुवात करावी.
भाजपवर टीका करताना ठाकरे यांनी सांगितले की, “देशात राहायचे असेल, राष्ट्रावर प्रेम असेल तर ‘वंदे मातरम्’ म्हटलेच पाहिजे, असे सांगणारा पक्ष आज स्वतःच यावर बंदी घालत आहे. हे नेमके कोणत्या विचारसरणीचे राजकारण आहे?”
दरम्यान, या कथित पत्राच्या सत्यतेवर अद्याप अधिकृत स्पष्टीकरण आले नसले तरी विरोधकांनी यावरून भाजपला जोरदार कोंडीत पकडले आहे. संसदेत राष्ट्रवादी घोषणांवर निर्बंध आणण्याचा प्रयत्न होत असल्याचा आरोप विरोधी पक्षांनी केला आहे.
हेही वाचा: आयआयटी नामांतरचा मुद्दा गाजला; राम नाईक यांनी जितेंद्र सिंग यांचे वक्तव्य मागे घेण्याचे सांगितले