एएनआय, मुंबई: पंतप्रधान फ्रान्स दौऱ्यावर आहेत, त्यानंतर ते अमेरिका जाणार आहेत. आता पंतप्रधान मोदींच्या दोन दिवसीय अमेरिका दौऱ्यापूर्वी त्यांच्या विमानावर दहशतवादी हल्ल्याची धमकी मिळाली आहे. 11 फेब्रुवारी रोजी मुंबई पोलीस कंट्रोल रूममध्ये एक कॉल आला, ज्यामध्ये दहशतवादी पंतप्रधान मोदींच्या विमानावर हल्ला करू शकतात, असा इशारा देण्यात आला होता.
प्रकरणाचे गांभीर्य लक्षात घेऊन पोलिसांनी इतर एजन्सींना माहिती दिली आणि तपास सुरू केला. मुंबई पोलिसांनी या प्रकरणी म्हटले आहे की, 'ज्या व्यक्तीने मुंबई पोलीस कंट्रोल रूमला धमकीचा कॉल केला होता, त्याला चेंबूर परिसरातून ताब्यात घेण्यात आले आहे. तो मानसिकदृष्ट्या आजारी आहे.'
पंतप्रधान मोदी फ्रान्स दौऱ्यावर
पंतप्रधान मोदींनी मंगळवारी पॅरिसमध्ये फ्रान्सचे राष्ट्राध्यक्ष इमॅन्युएल मॅक्रॉन यांच्यासोबत एआय ॲक्शन समिटचे सह-अध्यक्षपद भूषवले. यात जागतिक नेते, धोरणकर्ते आणि इंडस्ट्री तज्ज्ञांनी भाग घेतला.