जेएनएन, मुंबई: राज्य सरकारच्या महत्त्वाकांक्षी 23,000 कोटींच्या ‘मेट्रो लाईन 8 – गोल्ड लाईन’ प्रकल्पाला वेग मिळाला आहे. छत्रपती शिवाजी महाराज आंतरराष्ट्रीय विमानतळ (CSMIA) ते नवी मुंबई आंतरराष्ट्रीय विमानतळ (NMIA) असा थेट हाय-स्पीड मेट्रो मार्ग तयार होणार आहे. देशातील दोन प्रमुख आंतरराष्ट्रीय विमानतळांना जोडणारी ही भारतातील पहिली मेट्रो लाइन ठरणार आहे.
सध्या या दोन विमानतळांदरम्यान रस्त्याने 75 ते 120 मिनिटे लागतात. मात्र या मार्गाच्या शुभारंभानंतर फक्त ३० मिनिटांत प्रवास शक्य होणार आहे. यामुळे मुंबई, नवी मुंबई, ठाणे तसेच संपूर्ण कोकणातील प्रवाशांना मोठा दिलासा मिळणार आहे.
मार्गाची वैशिष्ट्ये
एकूण स्टेशन : 20
6 अंडरग्राउंड (भूमिगत)
14 एलिव्हेटेड (उच्चस्तरीय)
मार्गाची एकूण लांबी
मार्गाची लांबी सुमारे 35 किमी आहे.
हाय स्पीड मेट्रो – सरासरी 100 किमी ते 120 किमी प्रतितास वेग
प्रवासी बदल थेट
या मार्गामुळे विमान कंपन्या, ट्रान्झिट प्रवासी आणि व्यावसायिक क्षेत्रांना मोठा फायदा होणार आहे.मुंबईचा जागतिक एअर-हब बनण्याचा मार्ग सुकर होणार आहे.नवी मुंबई विमानतळ सुरू झाल्यानंतर या मार्गाची गरज आणखीनच वाढणार आहे.
प्रकल्पाचे आर्थिक व तांत्रिक महत्त्व
23,000 कोटी रुपये खर्च असलेला हा प्रकल्प मुंबई महानगर प्रदेश विकास प्राधिकरण (MMRDA) हाताळणार आहे. भूखंड संपादन, भूमिगत स्टेशनची उभारणी, तांत्रिक बोगदे, उच्चस्तरीय पुलांची बांधणी या कामांना लवकरच सुरुवात होणार आहे. दोनही विमानतळांच्या टर्मिनलशी थेट कनेक्टिव्हिटी दिली जाईल.
फास्ट प्रवास
या हाय-स्पीड मेट्रोमध्ये अत्याधुनिक सुरक्षा व्यवस्था, सामान ठेवण्याची विशेष सोय, वातानुकूलित आधुनिक डबे आणि डिजिटल मार्गदर्शन प्रणाली असणार आहे. विमान प्रवाशांच्या सोयींचा खास विचार करून हा मार्ग विकसित केला जात आहे.