जेएनएन, नागपूर : महाराष्ट्राच्या ग्रामीण संस्कृतीत शेती आणि शेतकऱ्यांच्या जीवनाशी घट्ट नाते असलेला सण म्हणजे बैल पोळा. काळ्या मातीत घाम गाळून शेतकऱ्याच्या संसाराला हातभार लावणाऱ्या बैलांप्रती कृतज्ञता व्यक्त करण्यासाठी पोळ्याचा सण मोठ्या उत्साहात आणि भक्तिभावाने साजरा केला जातो. वर्षभर शेतात राबणाऱ्या बैलांना या दिवशी विश्रांती देऊन त्यांची पूजा केली जाते. त्यामुळे पोळा हा केवळ सण नसून शेतकरी आणि बैल यांच्यातील अतूट नात्याचा उत्सव मानला जातो.
बैल पोळा साजरा करताना तुम्हीही आपल्या प्रियजनांना खास शुभेच्छा संदेश पाठवून सणाचा आनंद द्विगुणित करू शकता. पोळ्याच्या निमित्ताने आपल्या मातीतल्या परंपरेला आणि बळीराजाच्या सच्च्या सोबत्याला सलाम करणारे हे खास शुभेच्छा संदेश नक्की शेअर करा.
बैल पोळ्याच्या हार्दिक शुभेच्छा संदेश
- काळ्या मातीत घाम गाळणाऱ्या बळीराजाचा सच्चा सोबती म्हणजे आपला बैलराजा!
त्याच्या कष्टाला सलाम आणि आपल्या मातीतल्या परंपरेला मानाचा मुजरा.
बैल पोळ्याच्या हार्दिक शुभेच्छा!
- आज अंगणात रंगीबेरंगी रांगोळी,
बैलांच्या अंगावर झुली अन् गळ्यात घुंगरांची माळ…
गावच्या मातीचा सुगंध दरवळू दे,
आणि बळीराजाच्या घरात सुख-समृद्धी नांदू दे!
पोळ्याच्या हार्दिक शुभेच्छा!
- शेतात राबणारा बैल,
घाम गाळणारा शेतकरी
आणि कष्टातून फुलणारं हिरवं शिवार…
यांच्यामुळेच महाराष्ट्राची माती समृद्ध आहे.
बैल पोळ्याच्या मनःपूर्वक शुभेच्छा!
- बैल सजला, शेतकरी नटला,
अंगणात सणाचा थाट झाला…
घुंगरांच्या नादात आज
महाराष्ट्राचा पोळा दुमदुमला!
सर्वांना बैल पोळ्याच्या हार्दिक शुभेच्छा!
- काळ्या आईच्या कुशीत पिकं डोलू दे,
बळीराजाच्या चेहऱ्यावर समाधान फुलू दे,
बैलराजाच्या कष्टाला यश मिळू दे
आणि प्रत्येक घरात सुख-समृद्धी नांदू दे!
बैल पोळ्याच्या हार्दिक शुभेच्छा!
- ना त्याला उन्हाची पर्वा, ना पावसाची चिंता…
शेतकऱ्याच्या प्रत्येक कष्टात खांद्याला खांदा लावून उभा राहणाऱ्या
त्या मुक्या जीवाला आज मनापासून सलाम!
बैल पोळ्याच्या हार्दिक शुभेच्छा!
- झुली नवी, शिंगांना रंग,
गळ्यात घुंगरांचा मधुर नाद…
पोळ्याच्या सणानं सजलं आज
प्रत्येक शेतकऱ्याचं अंगण!
पोळ्याच्या मनःपूर्वक शुभेच्छा!
- “ये रे माझ्या बैला, तुला ओवाळते…”
अशी मायेची हाक देत
आज आपल्या लाडक्या बैलराजाची पूजा करूया.
त्याच्या कष्टांप्रती कृतज्ञता व्यक्त करूया.
बैल पोळ्याच्या हार्दिक शुभेच्छा!
- गावाकडच्या मातीचा गंध,
घुंगरांचा नाद,
बैलांच्या सजावटीचा थाट
आणि बळीराजाच्या चेहऱ्यावरचा आनंद…
हीच तर पोळ्याची खरी शान!
पोळ्याच्या हार्दिक शुभेच्छा!
- बैलराजाच्या पाठीवर मायेचा हात,
कपाळावर कुंकवाचा टिळा,
गळ्यात घुंगरांची माळ
आणि मनात कृतज्ञतेचा भाव…
असा साजरा होवो आपल्या मातीतला पोळा!
बैल पोळ्याच्या मनःपूर्वक शुभेच्छा!
