रॉयटर्स, वॉशिंग्टन: Donald Trump Warns Iran: अमेरिकेचे राष्ट्राध्यक्ष डोनाल्ड ट्रम्प यांनी इराणला थेट इशारा दिला आहे. ट्रम्प म्हणाले की, जर इराणने मला मारण्याचा प्रयत्न केला, तर मी संपूर्ण देश उद्ध्वस्त करीन.
अमेरिकेने हेही संकेत दिले आहेत की जर इराणने आपल्या अण्वस्त्र संबंधित प्रकल्पांना थांबवले नाही, तर त्याच्यावर अधिक निर्बंध लागू केले जातील. ट्रम्प यांनी इराणवर अधिक दबाव आणण्याच्या आदेशांवरही स्वाक्षरी केली आहे.
इराणला ट्रम्प यांची उघड धमकी
राष्ट्राध्यक्ष डोनाल्ड ट्रम्प यांनी मंगळवारी सांगितले की, त्यांनी आपल्या सल्लागारांना निर्देश दिले आहेत की, जर इराणने त्यांच्यावर हल्ला केला, तर त्याला नष्ट करावे.
ट्रम्प म्हणाले, "जर इराणने मला मारण्याचा प्रयत्न केला, तर मी संपूर्ण देश नष्ट करीन." ते पुढे म्हणाले की, "इराणकडे अण्वस्त्र असू शकत नाही." तथापि, ट्रम्प यांनी इराणच्या नेत्यांशी भेटण्याची इच्छाही व्यक्त केली.
ट्रम्पवर झालेला प्राणघातक हल्ला
गेल्या काही वर्षांत इराणकडून ट्रम्प यांना अनेक वेळा धमक्या मिळाल्या आहेत. नुकत्याच झालेल्या निवडणूक प्रचार सभेत ट्रम्प यांच्यावर प्राणघातक हल्ला झाला होता. मात्र, अमेरिकन अधिकाऱ्यांनी असा दावा केला नाही की, हा हल्ला इराणने घडवून आणला होता.
2020 मध्ये ट्रम्प यांनी इराणच्या इस्लामिक रिव्होल्यूशनरी गार्ड कोरच्या एलीट शाखेतील कुद्स फोर्सचे प्रमुख कासिम सुलेमानी यांच्या हत्येचा आदेश दिला होता. त्या घटनेपासून ट्रम्प यांच्या सुरक्षेसाठी अमेरिकन सुरक्षा यंत्रणा अतिशय सतर्क आहे.
ट्रम्प इराणसाठी अडचणी वाढवणार?
अंदाज लावला जात आहे की, ट्रम्प इराणच्या अडचणी आणखी वाढवू शकतात. सध्या इराण आर्थिक संकटात सापडला आहे.
2015 मध्ये अमेरिकेने इराणसोबत अण्वस्त्र करार केला होता, पण 2018 मध्ये ट्रम्प यांनी तो करार तोडला. त्यानंतर इराण आणि अमेरिकेतील संबंध पूर्णतः बिघडले.