डिजिटल डेस्क, नवी दिल्ली. अमेरिकेतील कॅलिफोर्नियामध्ये झालेल्या भीषण गोळीबारामुळे (California Shooting) खळबळ उडाली आहे. स्टॉकटनमधील एका बँक्वेट हॉलमध्ये झालेल्या अंदाधुंद गोळीबारात अनेक जणांना आपले प्राण गमवावे लागले आहेत.

4 जणांचा जागीच मृत्यू

अमेरिकन अधिकाऱ्यांच्या म्हणण्यानुसार, 4 जणांचा जागीच मृत्यू झाला आहे तर 10 जण गंभीर जखमी झाले आहेत.

गोळीबारात महिला मुले जखमी

सॅन जोआक्विन काउंटी शेरीफ ऑफिसच्या प्रवक्त्या हीथर ब्रेंट म्हणाल्या की, गोळीबारात महिला आणि मुले देखील जखमी झाली आहेत. प्राथमिक तपासात हा एक पूर्वनियोजित हल्ला असल्याचे दिसून आले आहे. गोळीबार एका बँक्वेट हॉलमध्ये झाला.

    पोलिसांकडून तपास सुरु

    घटनेमागील कारण अद्याप समजलेले नाही. पोलिस या प्रकरणाचा तपास करत आहेत. जखमींना रुग्णालयात दाखल करण्यात आले आहे आणि त्यांच्यावर उपचार सुरू आहेत.