नवी दिल्ली - मुंगेर जिल्ह्यातील एका गावात एका प्रेयसीने एक नवीन प्रेमकहाणी सुरू केली. नवविवाहित महिलेने तिच्या पतीला मिठाई खरेदी करण्याच्या बहाण्याने दुकानात पाठवले आणि नंतर तिच्या प्रियकरासोबत पळून गेली.
जेव्हा नवरा मिठाई खरेदी करून परतला तेव्हा त्याला त्याची पत्नी तिथे नसल्याचे आढळले. त्याने तिचा खूप शोध घेतला, पण ती कुठेही सापडली नाही. शेवटी, जेव्हा त्याने तिला तिच्या मोबाईल फोनवर कॉल केला तेव्हा तिने म्हटले की, तिला त्याच्याशी लग्न करण्याची इच्छा नव्हती. सध्या ती तिच्या जानसोबत असून मी माझे आयुष्य माझ्या प्रियकरासोबत घालवणार असल्याचे म्हटले.
या प्रकाराने पतीला मोठा धक्का बसला त्याने पत्नीच्या माहेरी याची माहिती दिली. हे ऐकून तिच्या घरच्यांनाही धक्का बसला आहे. पीडितेच्या पतीने सांगितले की, त्याने 22 नोव्हेंबर रोजी मुंगेर जिल्ह्यातील बरियारपूर पोलिस स्टेशन अंतर्गत येणाऱ्या एका गावात हिंदू रितीरिवाजानुसार आपल्या पत्नीशी लग्न केले होते.
लग्नानंतर, तो 23 तारखेला त्याच्या पत्नीसह घरी परतला. मुलीचे वडील तिला २७ नोव्हेंबर रोजी माहेरी घेऊन गेले. तिचा नवराही तिच्यासोबत होता.
दोन दिवस सासरच्या घरी राहिल्यानंतर, जेव्हा तो त्याच्या नवविवाहित पत्नीला आपल्या गावी परत आणत होता, तेव्हा पत्नी म्हणाली, मी माहेरहून पहिल्यांदाच सासरच्या घरी जात आहे. त्यामुळे रिकाम्या हाताने कशी जाऊ, काहीतरी मिठाई आणा.
पत्नीचे बोल ऐकून पतीला आनंद झाला व तो दुकानात मिठाई खरेदी करण्यासाठी गेला. पती दुकानात जाताच पाठीमागून बाईक घेऊन प्रियकर आला. महिलेने संधी पाहून प्रियकरासोबत मोटारसायकलवरून पलायन केले. या घटनेची परिसरात चांगलीच चर्चा रंगली आहे.