जेएनएन, पुणे. पुणे-अहिल्यानगर महामार्गावरील लोणीकंद–थेऊर फाटा येथे भीषण अपघात (Pune Car Accident) झाला. अवजड कंटेनर ट्रक मागे सरकल्याने त्यामागे उभी असलेल्या कारला जोरदार धडक बसली. या धडकेत कार चक्काचूर झाली.
छोट्या कारला जोरदार धडक
अपघात इतका भीषण होता की, काही काळ परिसरातील नागरिक आणि वाहनचालकांत एकच खळबळ उडाली. माहितीनुसार, लोणीकंद–थेऊर फाट्यावर वाहतुकीचा मोठा ताण होता. त्या वेळी एक कंटेनर ट्रक मागे सरकला आणि मागे उभ्या असलेल्या छोट्या कारला जोरदार धडक दिली. धडक इतकी प्रचंड होती की कारचा मागचा भाग पूर्णपणे चुरगळला.
वाहतूक सुरळीत करण्याचे काम सुरू
अपघातानंतर काही काळ वाहतुकीची प्रचंड कोंडी झाली होती. घटनास्थळी उपस्थित नागरिकांनी तात्काळ पोलिसांना कळवले. लोणीकंद पोलिसांनी त्वरित घटनास्थळी धाव घेत वाहतूक सुरळीत करण्याचे काम सुरू केले.
या भीषण धडकेत कारमधील प्रवासी किरकोळ जखमी झाले असून, कोणतीही जीवितहानी झालेली नाही. अपघातानंतर प्रवाशांना स्थानिकांनी बाहेर काढून सुरक्षित ठिकाणी हलवले.
घटनेनंतर कंटेनर चालकाला पोलिसांनी ताब्यात घेतले असून, अपघाताचे कारण चालकाची निष्काळजीपणा की तांत्रिक बिघाड हे तपासले जात आहे.