जेएनएन, अमरावती: अमरावतीत आज भाजप महिला मोर्चाच्या वतीने काँग्रेस नेते राहुल गांधी यांच्या विरोधात जोरदार आंदोलन करण्यात आले. राजकमल चौकात महिलांनी घोषणाबाजी करत काँग्रेसच्या भूमिकेचा निषेध नोंदवला. बिहारमध्ये पंतप्रधान नरेंद्र मोदी आणि त्यांच्या आईचे AI व्हिडिओ व्हायरल करण्यात आले.या प्रकरणात भाजपने काँग्रेसवर गंभीर आरोप करत राहुल गांधी यांच्यावर थेट टीकेची झोड उठवली.
पंतप्रधान आणि त्यांच्या कुटुंबाचा अपमान करणारा प्रकार काँग्रेसच्या नेतृत्वाच्या इशाऱ्यावरच घडला असल्याचा आरोप भाजपने केला आहे.भाजप महिला मोर्चाच्या कार्यकर्त्यांनी राहुल गांधी यांच्या विरोधात घोषणाबाजी केली.
“राहुल गांधी माफी मागा” अशा घोषणा देत महिलांनी संताप व्यक्त केला.
काँग्रेसने अशा पद्धतीचे राजकारण करून समाजात गैरसमज पसरवण्याचा प्रयत्न केला असल्याचा आरोप करण्यात आला आहे.काँग्रेसने या प्रकरणात स्पष्टीकरण द्यावे व जबाबदारी स्वीकारावी, अशी मागणी भाजपने केली.
राहुल गांधी यांनी सार्वजनिकरीत्या पंतप्रधान नरेंद्र मोदी आणि त्यांच्या आईची माफी मागावी, अशी ठाम भूमिका भाजपकडून मांडली गेली.